Qabaqcıl Qeyri-Dağıdıcı Sınaq (Advanced NDT) və Texniki İnspeksiya Xidmətləri

CTS boru kəmərləri, təzyiq altında işləyən avadanlıqlar, saxlama çənləri və sənaye obyektlərində aktiv bütövlüyünün qorunması, konstruktiv təhlükəsizliyin təmin edilməsi və qüsurların erkən mərhələdə aşkarlanması məqsədilə qabaqcıl qeyri-dağıdıcı sınaq (Advanced NDT) xidmətlərini müasir inspeksiya texnologiyaları ilə həyata keçirir.

Qabaqcıl NDT imkanlarımız aşağıdakılardır:

• Phased Array Ultrasəs Yoxlaması (PAUT) – Qaynaq tikişlərinin dəqiq yoxlanılması, qüsur ölçülməsi və həcm analizi üçün qabaqcıl ultrasəs inspeksiyası.
• Time of Flight Diffraction (TOFD) – Qaynaq birləşmələri və kritik komponentlərdə yüksək dəqiqlikli çat aşkarlanması və qüsurların xarakterizasiyası.
• Long Range Ultrasonic Testing (LRUT) – Uzun boru kəməri sahələrində korroziya və divar qalınlığının azalmasının skrininq yoxlanılması.
• Rəqəmsal Radiqrafiya (DR) – Daha sürətli və yüksək dəqiqlikli daxili qüsur aşkarlanması üçün rəqəmsal rentgen yoxlaması.
• Pulsed Eddy Current (PEC) – İzolyasiyanı sökmədən korroziyanın və divar qalınlığının qiymətləndirilməsi.
• Akustik Emissiya Sınağı (AE) – Təzyiq və ya yüklənmə şəraitində konstruktiv bütövlüyün real vaxt rejimində monitorinqi.
• Small Controlled Area Radiography (SCAR) – Məhdud sənaye mühitlərində daha təhlükəsiz radiqrafik yoxlama üsulu.
• Magnetic Flux Leakage (MFL) – Saxlama çənləri və boru kəmərlərində metal itkisi və korroziyanın aşkarlanması.
• Korroziya Xəritələnməsi (UT Corrosion Mapping) – Divar qalınlığının detallı xəritələnməsi və qalıq istismar müddətinin qiymətləndirilməsi.
• Positive Material Identification (PMI) – Sahədə materialın və ərinti tərkibinin operativ identifikasiyası.
• IRIS, Eddy Current Testing (ECT) və Remote Field Testing (RFT) – İstilik dəyişdiriciləri boruları və borulama sistemlərinin qabaqcıl yoxlanılması.
• Dron vasitəsilə inspeksiya (UAV Inspection Services) – Yüksəklikdə yerləşən konstruksiyalar, çənlər, flare sistemləri və çətin əlçatan sahələrin uzaqdan vizual yoxlanılması.

CTS Azərbaycanda və regionda beynəlxalq standartlara uyğun qabaqcıl NDT və aktiv bütövlüyü üzrə inspeksiya xidmətləri təqdim edir, neft-qaz, enerji, boru kəmərləri, tikinti və sənaye layihələrini dəstəkləyir.